Muhamed Krasniqi folës në Konferencën e 10-të Jubilare

Muhamed Krasniqi është Doktor Shkence për Trafik dhe Transport dhe për shumë vite punon si profesor i rregullt në Akademinë Tempulli.

Z.Krasniqi është i angazhuar në institucionet publike në vend dhe rajon. Është autor i disa dispensave dhe kërkimeve shkencore të aplikuara dhe merr pjesë në projekte vendore dhe ndërkombëtare në arsim, inxhinieri dhe siguri rrugore. Ai është gjithashtu organizator i shumë tryezave të rrumbullakëta shkencore dhe konferencave ndërkombëtare. Ai themeloi Shoqatën Kosovare të Motorizimit AMRKS dhe ishte Udhëheqës Kombëtar i Programit Evropian të Vlerësimit të Rrugëve, EuroRAP për Kosovën.

Producent dhe Bashkëthemelues i Festivalit Ndërkombëtar të Filmit “Siguria e Jetës”, bashkëproducent në realizimin e mbi dyqind (200) emisioneve javore televizive me emrin “Siguria në rrugë”, dhe kryetar i organizatës amerikane IOHSK për Evropë. Përveç angazhimit akademik dhe punës me studentë, profesor Krasniqi shquhet edhe për vullnetarizmin e tij në shumë aktivitete për komunitetin, me fokus të veçantë në promovimin e edukimit dhe sjelljes së kulturuar në komunikacion.

Dr. Krasniqi është ambasador i Kosovës në Forumin Ekonomik Ballkanik dhe President i Evropës në Organizatën Ndërkombëtare për Shëndetësi, Sport dhe Kinesiologji në Amerikë.