Membership

Anëtarësimi në Institut është i hapur për individë dhe persona juridikë që përkrahin misionin, objektivat dhe vlerat e Institutit dhe që shprehin gatishmëri për të kontribuar në zhvillimin dhe aktivitetet e tij. Të gjithë anëtarët janë të obliguar të veprojnë në përputhje me këtë Statut, aktet e brendshme dhe legjislacionin në fuqi.

​

​

Pranimi në anëtarësi bëhet me paraqitjen e kërkesës me shkrim dhe miratimin nga organi kompetent i Institutit, sipas procedurave të përcaktuara me akte të brendshme. Instituti rezervon të drejtën të pranojë ose refuzojë kërkesat për anëtarësim në bazë të kritereve dhe interesave institucionale.

​

Anëtarët e Institutit gëzojnë të drejtën e pjesëmarrjes në aktivitetet, programet dhe iniciativat e organizuara nga Instituti, të drejtën për t’u informuar mbi veprimtarinë e tij, si dhe të drejtën për të dhënë propozime dhe kontribute profesionale, në përputhje me statusin e tyre.

​

Anëtarët janë të obliguar të respektojnë Statutin, vendimet e organeve drejtuese dhe parimet etike të Institutit, të kontribuojnë në realizimin e objektivave të tij, të mbrojnë reputacionin institucional dhe të përmbushin obligimet financiare apo profesionale që rrjedhin nga anëtarësimi.